Super Tatay :)

Dear Incredible,
Ikaw daw pinaka-kamuka ko satin? Sabagay, pisngi pa lang magkakaalaman na. Haha. Ikaw pala salarin tay eh. :))
Para kay tatay:
-Na palaging gutom. At mahilig mag-midnight snack ng itlog na pula at kanin.
-Na walang palya sa pagtaya sa lotto..at may notebook pa para sa mga combination..at nagssolve-solve pa ng mga numerong itataya..at nagagalit pag nagloloko ang radio dahil

di niya mapapakinggan ang draw..at binu-budget na ang mapapanaluhan niya na jackpot habang kumakain ng hopiang baboy..at tumatama ng isang numero lang kadalasan..at nanghihinayang ng malupit..at mapapa-sabi ng malutong na bad bad words..at matatawa na lang ang makakarinig..at itutulog na lang.. At tataya na ulit kinabukasan. *cycle*

- Na composer /singer ng mga instant at original na kanta habang naglalabas ng sama ng loob.
-Na dumadayo pa sa mga piyesta para abangan ang mga musikong tutugtog sa parada. At pagkatapos e gagayahin na niya yung iba’t-ibang tunog na narinig niya run. *totototurorottotot* with matching hand gestures and actions na parang tumu-tugtog nga siya ng totoong trumpeta.
-Mahilig sa handaan at kainan.
-Naggagawa pa rin ng libro kahit retired na para malibang siya.
-Na ‘Kalyoni’ ang tinatawag niya sa sarili niya. Na-hindi ko alam kung sang bansa nanggaling o kung meron nga bang salitang ganun. San niya nahugot yon. Haha.
-Na parang laging nakikipag-away pag nakikipag-usap dahil sa sobrang lakas ng boses.
-Na pwedeng gawin alarm clock sa umaga.
-Na mahilig magpakain ng manok at sisiw.
-Na naglalaro ng baraha pagkagising, habang nagbabantay sa tindahan, pagka-kain at bago matulog, pagkagaling sa banyo, pagkauwi etc
-Na ang tawag kay nanay ay kundi Spanky, Skinny, eh Ising.
-Na walang bisyo pero mahilig sa yummy at super healthy na pagkain gaya ng crispy pata.
-Na parang pang-scrub ang talampakan dahil may El Nino sa paa.
-Nag-ggel ng buhok pag-magsisimba. At cute siya pag ganun. Swear.

 
-Na merong pinaka-kakaiba at pinaka-masayang tawa.
-Na ayaw ipakitang nag-aalala siya sayo dahil nakokornihan pero nararamdaman mo pa rin.
-Na binibigyan ako/kami ng baon at pagkain. Di mo na kailangan manghingi, basta meron siya.
-Na pproblemahin pati problema mo.
-Na-sobrang dami pa pero lalagpas na sa birthday niya pag sinabi ko pa…
Happy 81st Tay! Hinding hindi po sasapat itong greeting na to sa lahat ng mga sinakripisyo at pagod niyo ni Nanay para sa pamilya natin. Super blessed po kaming lahat dahil nandiyan kayo. Alam ko po ayaw niyo ng mga drama-drama. Haha. Sorry tay! Basta pagaling po kayo. Magpalakas kayo lalo at magpataba na ulit! Pray po tayo lagi. At tiwala lang po tayo kay Lord. He is our perfect healer. Wee. Happy happy:D Sayang talaga at di ako makakapunta sa birthday niyo pero alam kong mapupuno at aapaw ng pagmamahal diyan sa inyo dahil andiyan silang lahat. We love you Incredible Tatay! Long live. God bless you always!